MADRID, Hispania
REAL Madrid itawapiga bei mastaa wake sita pindi tu dirisha la usajili la Januari, mwakani, litakapofunguliwa.
Mpango huo umelenga kuipa Madrid nguvu ya kumsajili mpachikaji mabao hatari wa PSG na timu ya taifa ya Ufaransa, Kylian Mbappe, sambamba na Erling Braut Haaland.
Rais wa klabu hiyo, Florentino Perez, amepanga kuwauza Isco, Gareth Bale, Marcelo, Jesus Vallejo, Luka Jovic na Eden Hazard.
Inafahamika kuwa Madrid haitaambulia chochote endapo Isco na Bale wataondoka mwishoni mwa msimu huu kwani watakuwa wamemaliza mikataba yao.
