Oslo, Norway
MWIMBAJI anayefanya vyema nchini Norway, Joyce Aline, amewashukuru wapenzi wa muziki huo kwa mapokezi ya wimbo wake Hakuna Kama Wewe aliomshirikisha Walter Chilambo.
Akizungumza na Mtanzania Digital, Joyce amesema Mungu amempa ujumbe kupitia wimbo Hakuna Kama Wewe ndio maana ameona ni vyema akauachia mwanzoni mwa mwaka 2022.
“Namshukuru Mungu kwa kunipa nafasi ya kuachia wimbo huu wenye mguso wa kipekee, mapokezi yamekuwa makubwa sana hasa kwenye mtandao, video ipo kwenye chaneli yangu ya YouTube hivyo naomba mashabiki waendelee kuitazama na kubarikiwa na ujumbe,” amesema Joyce.
