NEW YORK, MAREKANI
MKALI wa filamu na muziki nchini Marekani, Jaden Smith, ameamua kuwa mpiga picha kwenye shoo mbalimbali za dada yake, Willow Smith.
Msanii huyo ambaye alitamba na filamu yake ya ‘Karate Kid’, amedai kupiga picha ni miongoni mwa vitu ambavyo alikuwa anavipenda pamoja na kuwa DJ wa muziki.
“Tangu nikiwa mdogo nilikuwa napenda kuwa mpiga picha pamoja na DJ, hivyo nikipata nafasi ya kufanya hivyo ninajisikia furaha sana, umri wangu natakiwa kujifunza mengi kwa ajili ya watoto wengine wafanye hivyo.
“Hakuna ambaye alitarajia kama nitakuja kufanya hivyo, lakini ni vizuri kwa kuwa vijana wa sasa wanatakiwa kubadilika mara kwa mara kutokana na mazingira.
