Na Mwandishi Wetu, Mtanzania Digital
STAA wa Bongo Fleva, Hennesseyy Hennesseyy, ameweka wazi kuwa tayari amekamilisha mipango ya kuachia albamu yake inayoitwa The Beginning itakayotoka mapema mwezi ujao.
Akizungumza na Mtanzania Digital Hennesseyy, amesema ndani ya The Beginning, mashabiki watapata ladha ya ngoma tofauti tofauti hivyo wakae tayari kuipokea itakapotoka Agosti 5, mwaka huu.
“Kila kitu kimekamilika nasubiri tarehe ifike ili niweze kutoa albamu hii ambayo italeta mapinduzi kwenye muziki wetu, nimejitahidi kuwapa ladha mbalimbali mashabiki naamini wataifurahia na ninaomba waendelee kunipa sapoti pindi nitakapoiachia kwenye mitandao yote ya kuuza na kusikiliza muziki,” amesema Hennesseyy ambaye ni bosi wa lebo ya Spacious Music.
