Na Imani Nathaniel, Mtanzania Digital
Katika kuhakikisha kwamba inasaidia jamii ya Watanzania kampuni ya mawasiliano ya simu za mkononi ya Halotel Tanzania imekabidhi msaada kwa kituo cha watoto yatima Mkoa wa Dar es Salaam kama moja ya program ya kurudisha kwa jamii katika kuboresha na kuwaletea tabasamu watu wanaoishi katika hali ngumu, kupitia utekelezaji wa majukumu ya jamii ya kampuni.
Kampuni hiyo imekabidhi vitu mbalimbali kwa Kituo cha Watoto Yatima cha Maunga, ikiwa ni pamoja na mahitaji ya msingi kama chakula na nguo. Mchango huu ni sehemu ya ahadi endelevu ya Halotel ya kusaidia jamii ya watanzania, haswa wale walio katika mazingira zaidi.
Akizungumza mapema leo Machi 7, 2023 katika hafla ya kukabidhi msaada kwenye Kituo cha Watoto Yatima, Afisa wa Huduma kwa Wateja wa Halotel, Hanh Hong Thi Nguyen amebainisha kuwa sadaka hiyo ni sehemu ya jitihada kubwa za kampuni kuonesha upendo na huduma kwa jamii inayohitaji, kuelekea kilele cha kuadhimisha Siku ya Wanawake ya Kimataifa Machi 8,2023.
Akizungumzia pia umuhimu wa kusaidia wanawake na wasichana nchini Tanzania, kwa kusema: “Kama kampuni, tunatambua jukumu muhimu ambalo wanawake wanalibeba katika jamii na uchumi. Tunafikiri ni jukumu letu kuwasaidia na kuwawezesha wanawake, haswa wale walio katika kulea na kusaidia watoto walio katika uhitaji zaidi,” amesema. Hanh.
Kituo cha watoto yatima ambacho kimepokea msaada huo kinalea na kusomesha watoto zaidi ya 120 ambao wamepoteza wazazi wao. Watoto wengi kati yao walipitia changamoto nyingi, na kituo hiki kinatoa mazingira salama na ya upendo ambapo wanaweza kupata huduma na msaada wanaohitaji.
“Leo tunatoa mifuko ya kilo 670 ya mchele, kilo 50 za maharage, ndoo za lita 80 za mafuta ya kupikia, kilo 140 za unga wa mahindi, kilo 20 za sukari, sabuni za kusafishia na za kufulia, pakiti 6 za pedi za kike na zingine. Kwa kuonesha upendo kwao, tumeona kuwa ni vizuri kuwapa zawadi hizi ili kuwasaidia kuhisi wapendwa kama watu wengine,” amesema Hanh.
Licha ya msaada huo, Halotel pia imeandaa safu ya matukio na shughuli katika maduka ya Halotel yanayopatikana kote nchini ili kuongeza uelewa wa umuhimu wa usawa wa kijinsia na uwezeshaji wa wanawake. Shughuli hizi ni pamoja na kutoa zawadi kwa mteja yeyote mwanamke ambaye atatembelea maduka ya Halotel kwa huduma yoyote, atakuwa na nafasi ya kupokea zawadi mbalimbali ikiwa ni pamoja na mavazi ya Kiafrika, vocha na zinginezo, zote zimeandaliwa ili kuhamasisha na kuwezesha wanawake kwa uvumbuzi na teknolojia kwa ajili ya usawa wa kijinsia.
Akizungumza kuhusu mchango huo, Mkurugenzi wa kituo, Zainab Maunga ametoa shukrani zake kwa Halotel akisema: “Tunashukuru sana kwa mchango huu mkubwa kutoka Halotel. Utafanya tofauti kubwa kwa watoto hapa, ambao wanahitaji sana mahitaji ya msingi kama chakula na nguo. Tunathamini msaada huu wa Halotel ya kusaidia jamii yetu, na tunatarajia kuendelea kufanya kazi nao siku za usoni,” amesema.
Mchango wa Halotel kwa kituo cha watoto yatima ni mfano mmoja tu wa dhamira ya kampuni katika kuhakikisha uwajibikaji wa kijamii na maendeleo ya jamii nchini Tanzania. Kupitia mipango na programu mbalimbali, Halotel inafanya kazi kwa bidii ili kuunda mustakabali bora kwa Watanzania wote, hususani wale ambao wanahitaji zaidi, wakati huo huo ikitoa huduma bora za mawasiliano kwa wateja wake wote.
