NA ASIFIWE GEORGE
KITUO cha redio Efm kesho kitaanza rasmi kampeni yake ya ‘muziki mnene, bar kwa bar’ katika Wilaya ya Mkuranga, mkoani Pwani.
Meneja Mawasiliano wa Efm, Denis Ssebo, alisema mbali na burudani za muziki zitakazofanyika usiku na mchana, kutakuwa na mchezo wa mpira wa miguu ili kutoa nafasi kwa watakaoshindwa kujumuika nao katika burudani ya muziki unaofanyika usiku.
“Tutazunguka sehemu 12 katika wilaya tano kwa wiki 13, maeneo yatakayofikiwa ni Mkuranga, Bagamoyo, Kisarawe, Kibaha, Mlandizi, Kigamboni na maeneo mengine mengi na baada ya kuzunguka huko tutahitimisha kwa tamasha kubwa litakalofanyika jijini Dar es Salaam, safari hii limeboreshwa na kuongezwa vionjo vingi vya burudani.
Naye meneja mwandamizi na mauzo wa kampuni ya simu za Smart, Haidari Chamshama, alisema msimu huu watazunguka na redio hiyo ya Efm wakiwa na bidhaa zao za simu zenye ubora wa hali ya juu ambazo wataziuza kwa bei nafuu.
