NEW YORK, MAREKANI
MCHEKESHAJI maarufu nchini Marekani, Eddie Murphy, ametangaza anatarajia mtoto wake wa 10 siku za hivi karibuni.
Staa huyo mwenye umri wa miaka 57, amedai baada ya kufanya vipimo na mke wake, Paige Butcher, wamegundua kuwa mtoto huyo ni wakiume na wanamtarajia kumpata Desemba mwaka huu.
Hata hivyo, mtoto huyo atakuwa wa pili kwa wawili hao tangu walipofunga ndoa 2012, lakini watoto wengine nane aliwapata kwa mama wengine.
“Nina furaha kuona napata mtoto mwingine wa kiume, wote kwa ujumla tuna furaha, hivyo familia inazidi kuwa kubwa kama tulivyopanga,” alisema msanii huyo. Mtoto wa kwanza wa wawili hao walimpata tangu Mei 2016 na kumpa jina la Izzy.
