WIMBO Wasted Energy ambao staa wa Marekani, Alicia Keys amemshirikisha, Diamond Platnumz, umesikilizwa na watu wengi zaidi kwenye mtandao wa YouTube kuliko ngoma nyingine zinazopatikana kwenye albamu yake, ALICIA.
Mapema jana, Alicia Keys aliachia nyimbo 15 kwenye chaneli yake ya YouTube ila jambo la ajabu wimbo, Wasted Energy ambao Diamond ameimba mwishoni kwa sekunde chache ulitazamwa na watu zaidi ya 111,000 ndani ya saa tisa pekee huku kwa Tanzania ukiingia kwenye ‘trending’.
Wakati wimbo, Wasted Energy ukifikisha idadi hiyo kubwa ya wasikilizaji kwenye YouTube, ngoma zingine zilikuwa zinajikongoja kwa kusikilizwa na watu wachache ambapo wimbo uliosikilizwa zaidi ni 3 Hour Drive wenye ‘views’ 19,000 pekee.
