NEW YORK, MAREKANI
RAPA Cardi B anaendelea kuwa matatani kutokana na tuhuma za kuwashambulia wahudumu wawili wa baa katika moja ya klabu jijini New York.
Msanii huyo anadaiwa kuwashambulia wafanyakazi hao wa baa Agosti 2018, hivyo juzi alionekana akiingia kwenye Mahakama ya Queens Supreme kwa ajili ya shitaka hilo.
Inadaiwa kwamba Cardi B baada ya kuwashambulia wahudumu hao, siku chache baadae aliwatishia maisha yao huku mmoja kati yao akimtuhumu kutoka kimapenzi na mume wake Offset.
Mwendesha mashtaka wa kesi hiyo ameweka wazi kuwa, uchunguzi bado unaendelea ili kuweza kukamilisha upelelezi, hivyo baada ya muda wataweka wazi baada ya kukamilisha.
