Maregesi Paul, Dodoma
Mbunge wa kuteuliwa, Abdallah Bulembo (CCM), amesema Waziri wa Mifugo na Uvuvi, Luhaga Mpina ana mpango maalumu wa kuiondoa Chama Cha Mapinduzi (CCM), madarakani.
Akichangia bajeti ya wizara hiyo kwa mwaka wa fedha 2018/19, Bulembo amesema kama operesheni sangara inayofanyika katika Ziwa Victoria ikiendelea CCM itakuwa na wakati mgumu wa kuwaomba kura wananchi katika Uchaguzi Mkuu na Serikali zaMmitaa unaotarajia kufanyika mwakani.
“Kuna haja operesheni hiyo isimame ili kuwaokoa wavuvi ambao wanaathiriwa na operesheni hiyo,” amsema Bulembo.
Kwa upande wake Mbunge wa Viti Maalumu, Dk. Wale Semesi (Chadema), naye amelalamikia operesheni hiyo na kutaka iundwe tume kuichunguza kwa sababu inaathiri wavuvi kama ilivyofanyika wakati wa operesheni tokomeza.
