Arodia Peter, Dodoma
Mbunge wa Nzega Mjini, Hussein Bashe (CCM) amesema kuwepo kwa utitiri wa vibali vya biashara kwamba unawakwaza wawekezaji wanaoanzisha biashara.
Akichangia mjadala wa bajeti ya hotuba ya Wizara ya Viwanda na Biashara bungeni leo Mei 14, amesema kuna mlolongo mkubwa wa utoaji vibali kutoka taasisi mbalimbali za Serikali, hivyo ameshauri uwekwe mfumo wa taasisi hizo zinazokusanya tozo mbalimbali kuwa eneo moja ili kurahisisha utoaji wa vibali hivyo.
