BOUR EN BRESSE, UFARANSA
NYOTA wa mbio za baiskeli katika mashindano ya Tour de France, Jarlinson Pantano, amefanikiwa kushinda hatua ya 15 ya michuano hiyo baada ya wapinzani wake 30 kuanguka.
Mbio hizo ambazo zilikuwa zinafanyika kwenye mji wa Bour en Bresse, Pantano alishinda hatua hiyo baada ya ajali ambayo ilitokea na kusababisha waendesha baiskeli 30 kuanguka hivyo kumfanya Pantano awapite na kushinda hatua hiyo.
Hata hivyo, mshindi huyo alidai kwamba hakuwa na uhakika wa kushinda kwa kuwa tayari alikuwa ameachwa nyuma huku akiamini kuwa Chris Froome angeweza kushinda.
Hata hivyo, Froome ambaye alishinda kwenye hatua ya tisa, juzi alishindwa kuwika japokuwa aliachwa nyuma kwa dakika tatu, ila inadaiwa angeweza kufanya vizuri bila ajali kutokea.
