Imechapishwa: Thu, May 18th, 2017

SAUDIA YAMWALIKA BASHIR KUKUTANA NA TRUMP

Share This
Tags

 

 

RIYADH, SAUDI ARABIA

SERIKALI ya Saudi Arabia imemwalika Rais Omar al-Bashiri wa Sudan, ambaye anatafutwa na Mahakama ya Kimataifa ya Uhalifu (ICC) katika mkutano wa kilele wa viongozi wa kiarabu na Kiislamu na Rais Donald Trump wa Marekani.

Ofisa aliyezungumza na Shirika la Habari la Ufaransa (AFP) hakusema iwapo Rais Al-Bashir atakuwepo katika mkutano wa mwisho wa ngazi ya juu kabisa siku ya Jumapili.


Kuanzia Jumamosi, Rais Trump anatarajiwa kufanya ziara Saudi Arabia, ikiwa ziara yake ya kwanza nje ya nchi tangu alipoingia madarakani Januari mwaka huu.

Rais Bashir ameweza kukwepa kukamatwa tangu alipowekewa waranti na ICC mwaka 2009, kwa tuhuma za mauaji ya kimbari, uhalifu wa kivita na uhalifu dhidi ya ubinadamu katika Jimbo la Darfur, ambako watu wasiopungua 300,000 wamepoteza maisha.

Haijulikani iwapo Bashir amekubali mwaliko huo.

Marekani si mwanachama wa ICC lakini imeunga muungaji mkono mkubwa wa kazi zake ikiwamo harakati za kutaka kumkamata Bashir.

Weka maoni yako

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

FACEBOOK

YOUTUBE

SAUDIA YAMWALIKA BASHIR KUKUTANA NA TRUMP