NEW YORK, MAREKANI
MWANAMITINDO kutoka familia ya Kardashian, Kourtney Kardashian, ameweka wazi kuwa, anatamani kushika ujauzito ili kuongeza ukubwa wa familia yake.
Mrembo huyo mwenye umri wa miaka 40, kwa sasa ana jumla ya watoto watatu, lakini amesisitiza kuwa kuongeza watoto ni kitu ambacho anakifikiria kwa sasa.
“Kuwa mama ni kitu ambacho ninakipenda katika maisha yangu, kwa sasa ni mama kwa kuwa nina watoto, lakini bado natamani kuongeza watoto wengine kwa siku za hivi karibuni.
“Kila mmoja amekuwa na mtazamo wake, lakini kwa upande wangu ninajisikia furaha nikiwa na ujauzito, ninaamini siku za hivi karibuni ninaweza kuwa kwenye mpango wa kuongeza watoto,” aliandika mrembo huyo.
