Na Mwandishi Wetu, Dar es Salaam
RAIS Jakaya Kikwete anatarajiwa kukutana na Watanzania waishio nchini Marekani Agosti 2, mwaka huu.
Kwa mujibu wa taarifa iliyotolewa jana na Balozi wa Tanzania nchini Marekani, Leberata Mulamula, aliwataka Watanzania wote kuhakikisha wanahudhuria mkutano huo.
“Ninapenda kuwaalika Watanzania wote wa maeneo ya DMV pamoja na majimbo mengine ya hapa nchini Marekani kuhudhuria mkutano maalumu wa Rais Jakaya Kikwete Agosti 2, mwaka huu Washington DC,” alisema Balozi Mulamula katika taarifa yake.
