Kampala, Uganda
 SERIKALI  ya Uganda, imethibitisha kuwepo kwa ugonjwa wa homa ya mafua ya ndege katika maeneo ya Entebbe, Masaka magharibi mwa mji wa Kampala  na fukwe za Ziwa Victoria.
Wizara ya Kilimo nchini humo imesema virusi hivyo vimethibitika kuwapo kwa bata na kuku wanaofugwa.
Majaribio yaliyofanywa na wataalamu katika maeneo mawili ikiwemo ufukwe wa Ziwa Victoria, yalithibitisha kuwa, ndege hao walifariki kutokana na maradhi ya Highly Pathogenic Avian Influenza au bird flu, yaani homa kali ya ndege kama inavyofahamika.
Chembechembe zilizokusanywa kutoka kwa mizoga ya bata wa kufugwa na kuku, katika wilaya moja ya eneo hilo karibu na Ziwa Victoria upande wa Uganda, zilithibitisha hilo.
Hakuna taarifa zozote za ugonjwa huo kuambukiza binadamu na Serikali ya Uganda imesema, inawashauri jamii za maeneo hayo kuhusu namna ya kujikinga kupatwa na ugonjwa huo na mbinu za kuzua kusambaa zaidi.
