Damian Masyenene, Mwanza
Uongozi wa timu ya Mbao FC yenye maskani yake mtaa wa Sabasaba wilayani Ilemela, mkoani Mwanza, umeingia makubaliano na Salum Mayanga kuwa Kocha wake mkuu hadi mwishoni mwa msimu wa Ligi kuu bara
Mbao FC imeingia makubaliano na Mayanga ambaye anachukua mikoba ya Ally Bushiri aliyefungashiwa virago baada ya timu hiyo kutopata matokeo mazuri.
Mayanga ambaye amewahi kuifundisha timu ya Mtibwa Sugar na Taifa Stars amekabidhiwa timu hiyo ili aiwezeshe imalize katika nafasi za juu isishuke daraja.
Mayanga ni Kocha wa tatu kwa timu hiyo kwa msimu huu, ambapo mwanzoni mwa msimu ilikuwa ikifundishwa na Amri Said ambaye kwa sasa anainoa Biashara United ya Mara na baadaye ikanolewa na Ally Bushiri kabla ya Mayanga.
&&&
